Trajneri i Aston Villas, Unai Emery, ka deklaruar se skuadra e tij është e përqendruar vetëm te ndeshjet e radhës dhe jo te fundi i sezonit apo Champions League.

Ai ka folur para përballjes së kësaj jave ndaj Brighton.

Aston Villa ka fituar vetëm dy nga shtatë ndeshjet e fundit në Premier League, por vazhdon të mbajë vendin e tretë në tabelë, nëntë pikë pas liderit, Arsenal.

Emery ka theksuar se luhatjet janë pjesë e sezonit.

“Ne nuk po mendojmë për fundin e sezonit. Po mendojmë për të tashmen. Jemi në proces, po garojmë dhe përgjithësisht po bëjmë më shumë mirë sesa keq”, është shprehur Emery.

Sa i përket Jadon Sancho, i huazuar nga Manchester United, Emery ka thënë se ende nuk ka vendim për të ardhmen e tij.

“Ai është një lojtar fantastik. Nëse vazhdon të luajë mirë, ne do ta duam. Por nëse luan shumë mirë, edhe klubet e tjera do ta duan. Ky është futbolli”, ka thënë trajneri spanjoll./rtk